Тері тосқауылы – терінің ең маңызды элементтерінің бірі, табиғи қорғаныс әрі оның сау негізі. Оны кірпіштен қаланған берік қабырға ретінде елестетуге болады: ол пайдалы заттарды – ылғалды, табиғи майларды және қоректік компоненттерді – іште сақтап, ал кір, ультракүлгін сәулелер мен агрессивті химиялық заттар сияқты зиянды факторларды өткізбейді.

Бұл қабырғаның «кірпіші» – тері жасушалары, ал оларды біріктіретін «ерітінді» – липидтер. Егер осы ерітінді бұзылса, қабырға әлсіреп, елекке айналады. Нәтижесінде пайдалы заттар жоғалып, зиянды әсерлер теріге ене бастайды.

Тері тосқауылының жағдайына табиғи қартаю, климат, күн сәулесінің шамадан тыс әсері және басқа да сыртқы факторлар ықпал етеді. Мұның бәрі терінің құрғауына, қызаруына, тітіркенуіне және жоғары сезімталдыққа әкелуі мүмкін.

Сау тері тосқауылы – тегіс әрі жарқыраған терінің кепілі. Ол ылғалды сақтап, қажетті деңгейде ұстап тұруға көмектеседі

Тері тоқсауылы - эпидермис деп аталатын терінің сыртқы қабаты. Оның ең жоғарғы деңгейі - липидті матрицамен байланысқан тегістелген клеткалардан тұратын мүйізгек қабат. 

Бұл матрица май қышқылдары, церамидтер және холестериннің дәл үйлесімінен құралады. Олар терінің қорғаныс қабатының беріктігін, серпімділігін және тұтастығын қамтамасыз етеді.  

Терінің қорғаныс тосқауылын нығайтуға арналған лосьон Clinical Solutions™ формуласы осы табиғи үйлесімді қайталайды: липидтердің арақатынасы - 1 бөлігі май қышқылдары, 1 бөлігі церамидтер және 3 бөлігі холестерин түрінде берілген. Мұндай теңгерім тиімділікті арттырып, жылдам әсер етеді.