МАҚСАТЫ:
теріні пигментті дақтар пайда болуына ықпал ететін негативті факторлардан қорғау, тері түсін жақсарту, меланин өңдеуді реттеу.

Жоғары пигментация – артық меланин нәтижесі. Осы пигменттің синтезіне жауап беретін ерекше клетка – меланоцит, терінің үстіңгі қабатында орналасқан. Көбінесе УК-сәуле әсері меланоцит бөлінуін қоздырады, бірақ бұл жалғыз себеп емес. Тері – лакмус орган, сондықтан беттегі пигментация гормоналды бұзылыстарға байланысты пайда болуы мүмкін.

Белгілері: терінің бөлек учаскелерінің түсі әркелкі қара-қоңыр, қоңыр немесе қоңыр қызыл дақ түрінде өзгереді.

Мыналарды азайту керек: күннен қорғаушы құралды пайдаланбай, қарбалас сәтте күн астында ұзақ болу. Сондай-ақ гормоналды фонды реттеп, күйгелектенуді азайту маңызды.

Қамтамасыз ету: теріні күннен қорғаушы құралмен қорғау. Фотоқартаю проблемаларын шешуге бағытталған құралдармен күтім жасау.

Күтімнің негізгі ережелері: құрамында мынадай заттары бар құралдарды таңдау:

• Гликоль қышқылы – тері клеткасын қабыршықтандырады, әжімдер мен пигментацияны азайтады, тері клеткасын қалпына келтіреді;
• ниацинамид — меланин қозғалысын блоктайды;
• ретинол – клетка және коллаген синтезі регенерациясын ынталандырады, меланин өндіруді азайтуға ықпал етеді.
• С витамині – терінің жаңаруын күшейтеді (тоны тегіс, ал түсі сау болады) және меланин синтезіне әсер етеді;
• ресвератрол – тері түсін тегістейді, клетка деңгейінде фотозақымданудан қорғайды.

Максималды әсерге жету үшін пигментацияға қарсы құралдарды тұрақты, әрі дәйекті түрде пайдаланыңыз. Эпидермистің үстіңгі қабатын жаңарту процесін қосатын пилингпен қатар, бьюти-ритуалға қосымша күтімнің басқа да маңызды құралдарын қосу керек – терінің қорғаныс бедерін ылғалдандыратын, қалпына келтіретін маскалар мен сығынды-концентраттар.

МАҚСАТЫ:
қан тамыр қабырғасын нығайту, тері клеткаларын қалпына келтіруді жеделдету, қызаруларды кетіру.

Куперозаның пайда болу себебі көп: генетикалық бейімділіктен ішкі органдар ауруына дейін. Сонымен қатар купероза сыртқы факторлардың әсерінен пайда болуы мүмкін: дене қызуының бірден түсіп кетуінен, тым ащы немесе ыстық тамақ, зиянды әдет, ультракүлгін сәулесі, стресс. Куперозадан зиян шегетін теріге лайықты күтім жасалмаса, онда қоректендіруші заттар мен оттегі жетіспеушілігінен тері тез қартаяды.

Мұндай проблеманы болдырмас үшін купероза кезінде тиімді қосындылары бар косметиканы пайдаланып, өзіңізге дер кезінде күтім жасауыңыз керек. Олар қоршаған ортаның негативті әсерінен қорғайды және капиллярды нығайтады.

Белгілері: бет, иек, мұын және маңдай қан тамырларындағы қызыл, қою қызыл немесе тіпті көкшіл тор

Мыналарды азайту керек: дене қызуының бірден түсіп кетуі, тым ащы немесе ыстық тамақ, зиянды әдет, ультракүлгін сәулесінің әсері, стресс.

Қамтамасыз ету: салауатты тамақтану, жеткілікті ылғалдандыру, УК-сәуледен қорғау, арнайы күтім.

Негізгі күтім ережесі: жіңішке тамыры бар теріге арналған құралды таңдағанда, айқын нығайтушы әсері бар қосындыларға назар аударыңыз.

• Е витамині – мықты антиоксидант, клетка регенарациясын күшейтеді, теріні жасартады;
• С витамині – коллаген талшықтарын нығайтады;
• азиялық центелла – эпидермистің тосқауыл қызметін қалпына келтіреді, қан тамырларын нығайтушы және қалпына келтіруші әсер етеді.